ආසයිද මල්ලී?

                                               ***ආසයිද මල්ලී***

ආසයිද මල්ලී?
ලැජ්ජා වෙන්න එපා
ආසාවට හිතට ඇතිවෙනකන් ටැංකිය
අතගාලා බලපං.
ස්ටිකර් ගහලා පස්සේ
පේන්ට් කරලද කියලා නියපොත්තෙන්
චුට්ටක් හුරලා බලහන්.
හැඩ්ල් එක අත් දෙකෙන්ම අල්ලලා
චුට්ටක් හරවලා බලපන්.
සයිලන්සර් එක තාම රත්වෙලාද කියලා
කෙල චුට්ටක් ගහලා බලහන්.
යතුර තියනම් හොර්න් එකක් ගහපන්.
කන්නාඩියෙන් කොන්ඩෙ හදලා හැඩ
බලහන්.

දාඩිය වැටුනද වන්ඩියට?
නිල් කොට කලිසමෙන් සීරුවට පිහදලා දාපං.
ඕක පැදං එන්නේ උඹ වගේම හීන
දැකපු එකෙක්..
ඌට උබව දැක්කම
උගේ පුංචි කාලේ මතක්වෙනවා.

අයියේ මාව රවුමක් එක්ක
යන්න බෑද කියලා ලැජ්ජා නැතුව අහපන්
මට විශ්වාසයි කවදාවත් බෑ
කියන්නෑ..
යතුර දාලා ඔන් කරද්දී මීටරේ
දිහා බලපං,ෆෑන් ඔන් වෙන සද්දේ
හොදට අහගනින්.
ස්ටාර්ට් කරාට පස්සේ
උඹත් අත දාලා චූට්ටක් රේස් කරලා
බලහං.
මාත් ලොකුවෙලා එකක්
ගන්නවා අයියේ කියලා කියහන්..

අපි
ආසයී හීන පස්සේ එලවන
කොල්ලොන්ට..
හීන මවපං.උබට සමහර මිනිස්සු
හිනාවෙයි.ගනන් ගන්න එපා නෑහුනා
වගේ හීනේ විදපන්..
අරමුණ හදාගනින්
මොනාමහරී හොදට ඉගෙනගනින්
පොත පතෙන්ම නෙමේ උඹට පුලුවන්
මොනාම හරි දෙයක්.

හම්බකරහන්
අම්මට තාත්තට බරක් නොවී උබේ
දාඩිය මහන්සියෙන්.
හම්බකරලා එකක්
අරන් පලයන් අර අයියා හම්බෙන්න.මාත්
එකක් ගත්තා අයියේ කියලා යතුර පෙන්නපන්.
ශුවර් උඹටත් වඩා ඌ සතුටු
වෙනවා උඹ ගැන.

ඔය ලොකු ලොකු
වාහනවල සුක්කානම් කරකවන උන්
වගේ නෙමෙයි,බයික් පදින යකඩ හීන
දකින කොල්ලෝ එහෙමයි,කුහක
නෑ.බොක්ක හොදයි..
ඒකයි උන්ට
හරියන්නේ..

දෙයක් හිතන්න පුළුවන් කතාවක්..

සමහර විට මේ ඔයාගේ ,මගේ කතාව

වෙන්න පුළුවන්....

author - Hemantha Ruwan Kumara